Phường Cửa Đông hơmâo rơbêh 2 rơbâo boh sang anŏ hăng rơbêh 10 rơbâo čô mơnuih, hơmâo 7 ƀut plơi pla. Phường hơmâo lu mơnuih dŏ hơdip. Đơ đam phường hơmâo rơbêh 400 anih anom, anom bơwih ƀong sĭ mơdrô, khul ling tơhan hăng hơdôm anih bơwih bơwang pơkŏn. Tơlơi anai amra hơmâo lu tơlơi lông brơi kơ anom bruă wai lăng kơ bruă pơhlôm rơnuk rơnua, hơđong amăng mơnuih mơnam amăng phường. Amăng hơdôm thun rơgao, Khul git gai pơjing bruă wai pơgang rơnuk rơnua lŏn ia amăng abih bang mơnuih tŏ tui pok pơhai hơbô̆ bruă, bruă jao amăng wai pơgang lŏn ia hơmâo:Grup wai pơgang ƀing ngă soh; akŏ bruă: “Sang anŏ pơgang mă-Mrô sang wai lăng mă”…tum pơƀut glăi lu mơnuih mut hrŏm wa pơgang, lăi pơthâo bruă ngă soh, pơgôp ngă plai ƀiă ƀuh ƀing ngă soh, pơhlôm rơnuk rơnua hăng hơđong amăng mơnuih mơnam.

Đĭ pơhiăp ƀơi anai, Khua mir sir ơi Tô Lâm rơkâo gưl Ping gah, gong gai djop gưl amăng ƀôn prong Hà Nội kiăng tŏ tui hruă kjăp, ngă tui khut khăt, tŭ yua hơdôm hơdră bruă, git gai pơjing bruă wai pơgang rơnuk rơnua lŏn ia amăng abih bang mơnuih hăng pơphun “Hrơi jơnum ngui abih bang wai pơgang rơnuk rơnua lŏn ia”; kiăng pơlir kjăp kơplah wah wai pơgang rơnuk rơnua lŏn ia hăng bruă pơplông yua Ping gah, kơnuk kơna, djop anom bruă, sang bruă, Jơnum min djop djuai ania mơnuih mơnam hăng khul grup pơphun, ngă lar hyu amăng mơnuih mơnam.