VOV4.Jarai - Mơmŏt tom brơi (1/1), ƀơi Hậu Giang, nao lăng hăng đĭ pơhiăp amăng mông hơdor glăi 20 thun akŏ pơjing tơring čar hăng čơkă mă miđai mă bruă mrô I, Khua mir sir Võ Văn Thưởng lăi rơđah, Hậu Giang glăk amăng thun blan tŭ mă djop mơta tơlơi gal, yua anun tơring čar kiăng tŏ tui tŭ mă, ngă tui tơlơi gal, tơlơi dưi kiăng tañ jing anih bơngač, tơring čar pơđĭ kyar amăng kual lŏn dăo ia krông Cửu Long hăng đơ đam dêh čar.

VOV4.Jarai-Blan 9/2023, ƀơi plơi prong Plei Ku, tơring čar Gia Lai, Khua mir sir Võ Văn Thưởng nao čuă, mă bruă hăng khul ling tơhan Binh đoàn 15-nom bruă hơmâo giăm 40 thun man pơdong hăng bơwih ƀong huă rah pơgang rơnuk rơnua rah ƀơi kual Dap Kơdư.

VOV4.Jarai-Jơnum ngui kơphê Ƀuôn Ma Thuôt, Dak Lak tal 8 ăt jing sa bruă mă lăp hơdor pioh amăng thun 2023.

VOV4.Jarai- Thun 2023, lơm amăng rŏng lŏn tơnah hơmâo lu tơlơi rung răng, samơ̆ Việt Nam ăt lĕ ba glăi bơngač djop mơta bruă. Amăng thun laih rơgao, pơphun lu bruă kơđi čar, mơnuih mơnam yôm phăn. Gong phun jua pơhiăp dêh čar Việt Nam ruah mă 10 tơlơi pơhing, bruă yôm phăn amăng dêh čar thun 2023.

VOV4.Jarai – Thun 2023 lĕ thun hơdôm bôh tơring čar Dap Kơdư bưp lu tơlơi tơnap amăng ngă tui hơdôm bruă pơđĭ kyar bơwih ƀong mơnuih mơnam. Pơhrui ngăn drap kơnuk kơna ƀơi hơdôm bôh tơring čar leng kơ ƀu djơ̆ tui kơčăo bruă, hơdôm rơwang bruă tuh pơplai bruă hrŏm pơphun kaih, ngă pơhưč tuh pơplai hmâo ƀiă. Tui anun mơn, amăng hơdôm tơlơi tơnap anun, pơhrui glăi hơnong ñu mơ̆ng mơnuih ƀôn sang Dap Kơdư ăt đĭ lăp yap ba mơn. Anun lĕ kơnang kơ hơdôm bơyan pơhrui glăi lu hmâo nua lu.

VOV4.Jarai-Yua hơmâo jơlan hơdră mơ̆ng Ping gah hăng kơnuk kơna djru brơi kual Dap Kơdư, amăng thun 2023, mah tơlơi bơwih ƀong huă mơnuih mơnam amăng dêh čar đĭ aset đôč, samơ̆ tơlơi bơwih ƀong huă kual Dap Kơdư hơmâo lu tơlơi pơblih klă hiam, tơlơi hơdip mơda mơnuih ƀôn sang amăng kual pơblih hiam klă, lu gơnam boh troh đang hmua kah hăng kơphê, boh sầu riêng sĭ hơmâo rơnoh, mơnuih ƀôn sang hok mơak hơđong pran jua mă bruă, tơlơi hơdip mơda trơi pơđao yâo mơak yak nao amăng thun phrâo 2024.

VOV4.Jarai - Ƀơi Ƀirô mă bruă, Khua git gai pơ ala mơnuih ƀôn sang dêh čar Vương Đình Huệ nao jơnum hăng đĭ pơhiăp git gai mông jơnum klah čun bruă mă amăng thun 2023 hăng pok pơhai bruă jao thun 2024 mơng Ping gah anom bruă Khua pơ ala mơnuih ƀôn sang dêh čar hăng Khul mơnuih mă bruă mut phung Ƀirô Khua pơ ala mơnuih ƀôn sang dêh čar.

VOV4.Jarai - Tlam lơ 28/12, Khua dêh čar Phạm Minh Chính, Khua jơnum min dêh čar amăng pơplih yua boh thâo phrâo git gai jơnum tal 7 kiăng kơ lăng glăi bruă mă thun 2023 hăng pok pơhai jơlan gah, bruă jao phun amăng thun 2024 mơng jơnum min.

VOV4.Jarai – Čơtlăm lơ 28/12, ƀơi Anih mă bruă Khua mir sir, Anom bruă Khua mir sir dêh čar ta pơphun Jơnum klah čun bruă mă thun 2023 hăng pok pơhai rơwang bruă thun 2024.

VOV4.Jarai-Mơguah lơ 28/12, tom brơi Khua dêh čar Phạm Minh Chính nao jơnum hrŏm pơƀut bruă mă gah jơlan glông pơdŭ pơgiăng.