Kon Tum pơplông boh thâo pơhlôm hlâo hŭi ia ƀlung brơi ƀing čơđai
Thứ năm, 11:22, 08/08/2024
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Kiăng kơ pla ƀiă ƀuh čơđai ia ƀlung, amăng 2 hrơi rơgao (6-7/8), ƀơi plơi prong Kon Tum, gơnong bruă gru grua, bơrơguăt drơi jăn hăng tuai čuă ngui tơring čar Kon Tum pơphun pơplông boh thâo pơgang, pơhlôm hlâo hŭi ia ƀlung brơi kơ ƀing čơđai thun 2024.
Tal pơplông kơ boh thâo pơgang, pơhlôm hlâo hŭi ia ƀlung brơi kơ ƀing čơđai amăng tơring čar Kon Tum thun 2024 hơmâo 6 grup hăng rơbêh 180 čô čơđai. Abih bang mơnuih nao pơplông lĕ ƀing čơđai glăk kiăo tui hrăm luai ia ƀơi hơdôm anih pơtô hrăm, Sang pơtô djop tơlơi ngui ngor brơi ƀing čơđai hăng grup pơtô luai ia amăng tơring čar.
Amăng 2 hrơi nao pơplông, ƀing čơđai pơplông luai đang drơi hăng pran gum djru tơdruă; bruă djru mă mơnuih ia ƀlung; pơjrao ječ brơi mơnuih ia ƀlung lơm ba nao pơ hang; čơđai thâo đung drơi hloh; bruă buh ao đung drơi lăp djơ̆ hăng pel ĕp hơdôm boh thâo pơhlôm rơnuk rơnua tui jơlan hơdră pơyuh teng leng.
Viết bình luận