Ƀơi tơring čar Dak Lak, bruă pơphun abih bang mơnuih ƀôn sang pơgang Lŏn ia hmâo laih hơdôm yak pơđĭ kyar kơtang, dơlăm prong mơ̆ng tơring čar truh pơ̆ plơi pla. Lu hơdră wai lăng mă pô tơlơi rơnuk rơnua, hơđong, hơdôm khul grŭp pơgang, pơgăn ƀing ngă soh ngă tui ba glăi bôh tơhnal.

Pơhiăp amăng mông hrơi jơnum ngui. Trung tướng Lê Quốc Hùng, Kơ-iăng Khua Ding jum Kông ang lăi rơđah: Dak Lak ƀơi kual krah Dap Kơdư hmâo anih anom phara yôm phăn gah pơgang rơnuk rơnua, bruă kơđi čar, bơwih ƀong, bôh thâo - mơnuih mơnam. Trung tướng rơkâo, Dak Lak pơtrut kơtang dong bruă abih bang mơnuih ƀôn sang pơgang rơnuk rơnua Lŏn ia, djru ngă rŭ tơgŭ hăng ngă tui bruă mă, pran kơtang prong prin mơ̆ng mơnuih ƀôn sang./.