Đĭ pơhiăp amăng mông mă bruă, ơi Nguyễn Hồng Diên brơi thâo, hrŏm hăng boh than dưi ngă, tơring čar Kon Tum ăt dŏ lu tơnap tap ba truh hơdôm anŏ aka ƀu klă amăng ngă tui hơdôm hơnong pơkă, bruă jao. Kơ bruă jao pơ anăp, ơi Nguyễn Hồng Diên rơkâo tơring čar Kon Tum pok pơhai ngă ba glăi tŭ yua hơdôm tơlơi črâo trun, hơdră bruă mơng Ping gah, kơnuk kơna amăng pơđĭ kyar bơwih ƀong huă-mơnuih mơnam amăng thun 2024 hăng hơdôm thun pơ anăp, sit biă ñu lĕ sa, dua hơdră bruă phrâo dưi ngă tui mơng lơ 1/8, anun lĕ tơlơi phiăn lŏn mơnai, tơlơi phiăn sang dŏ, tơlơi phiăn sĭ mơdrô sang, lŏn mơnai…Yôm hloh lĕ hơdră blơi apui lơtrik, hơdră pơsur pơđĭ kyar yua pil hrĭp pơ-iă yang hrơi hăng bơbung sang.