Đĭ pơhiăp amăng mông pok pơphun hrơi jơnum tal dua, Khua dêh čar ơi Phạm Minh Chính rơkâo Ding jum phiah phiăn lăi pơthâo hrơi mông pơgiong hăng boh than ngă tui tơlơi klah čun mơng kơnuk kơna amăng jơnum tal 1. Amăng anun, lăng glăi bruă mă mơng djop ding jum, gơnong bruă amăng ngă tui bruă jao pơsir hĭ tui boh tơhnal pel ĕp hră pơ-ar hơmâo Kơnuk kơna ba tơbiă amăng hơdôm tơlơi lăi pơthâo pel ĕp hră pơ-ar djơ̆ tơlơi phiăn tui tơlơi pơtrun mrô 101/2023/QH15 hăng tơlơi pơtrun mrô 110/2023/QH15 mơng Khua pơ ala mơnuih ƀôn sang dêh čar tal XV.

Hrŏm hăng anun, lăi pơthâo boh tơhnal pel ĕp, pơƀut glăi hơdôm tơlơi tơnap tap, gun găn tui tơlơi pơkă glăk kiăng ječ, anai lĕ kiăng đing nao kơsem min hơmâo tơlơi pơkă kiăng pơsir hĭ hăng him lăng amra jao brơi djop ding jum, gơnong bruă kơsem min, pơsir hĭ. Mơng anun, rơkâo hơmâo hơdră tŭ yua, djop mơta ngă tui bruă jao hơmâo Kơnuk kơna jao amăng tơlơi pơtrun mrô 82/NQ-CP, tơlơi pơtrun mrô 93/NQ-CP hăng tơlơi pơtrun mrô 81 lơ 25/7/2024 ba tơbiă akŏ bruă mơng Khul git gai.