Trung tướng Thái Đại Ngọc, Ding kơna Khul apăn bruă Ping gah, Khua anom bruă git gai ling tơhan Quân khu 5 lăng yôm, pơpŭ bơni hơdôm bruă pơplông, apah bơni kơ bruă ngă truh kih bruă jao ling tơhan tơring čar Dak Lak 5 thun rơgao. Trung tướng Thái Đại Ngọc brơi thâo, hơdôm thun pơ anăp, kơđi amăng rŏng lŏn tơnah, amăng kual him lăng amra ƀuh lu tơlơi tơnap tap ƀu hơmâo thâo, amăng kual Quân khu, sit biă ñu ƀơi kual Dap kơdư ăt lĕ sa amăng hơdôm kual dŏ lu tơlơi amra ba truh rung răng, yua anun bruă jao wai pơgang lŏn ia amăng rơnuk phrâo jai prong tui.

Mơng anun, Anom bruă git gai tơhan Quân khu rơkâo Ping gah-Khul pơplông, apah bơni, Anom bruă git gai ling tơhan tơring čar Dak Lak đing nao git gai ngă tui klă hơdôm boh tơhnal akŏ phun.