Anai lĕ tal nao čuă jơmư blung a mơ̆ng Khua dêh čar Việt Nam nao pơ dêh čar India yap mơ̆ng hrơi dua bơnah dêh čar pơsit glăi bruă ngă giăng mah pŭ ƀăn yôm phara, bơnah ngă hrom hlom bom thun 2016. Kơnong amăng dua hrơi đôč, Khua dêh čar hơmâo hơdră mă bruă lu biă mă, djop mơta, hăng 25 mơta bruă mă anet prong, kah hăng bưp nao rai bơkơtuai ƀing khua mua hăng dêh čar India, bưp khua mua anom bruă sĭ mơdrô pơprong gah dêh čar India, đĭ pơhiăp ƀơi mông jơnum pơčrong sai hăng ƀing ngă bruă sĭ mơdrô plah wah Việt Nam hăng India laih anun Khul đing nao bruă ƀơi rŏng lŏn tơnah mơ̆ng dêh čar India.
Amăng tal nao čuă jơmư, khua mua dua bơnah dêh čar hơmâo pơtong sit, boh pơhiăp mơ-it nao kiăng kơtưn hloh bruă ngă hrŏm dua bơnah yôm phara plah wah Việt Nam –India amăng bruă pơgang rơnuk rơnua, sĭ mơdrô, tuh pơ alin, gru grua pơtô hrăm hăng pok pơhư prong hơdôm bruă mă phrâo bơwih ƀong huă mơtah, bơwih ƀong huă mrô, bơwih ƀong huă ia rơgơi tơlơi kơhnâo, kơtưn amăng bruă sĭ mơdrô hăng tuh pơ alin dua bơnah, pơtrut hăng ngă dơlăm tui amăng bruă kơsem min boh thâo ia rơgơi phrâo.
Viết bình luận