Pơlăi nao rai kơ jơlan gah ngă hrŏm pơprong pơ anăp dong, dua bơnah tŭ ư kơtưn pơlăi nao rai, pơbưp nao rai khua mua pơprong hăng djop gưl; pok pơhai tŭ yua tơlơi pơkôl ngă hrŏm bơwih ƀong huă hăng boh thâo phrâo, pơtrut pơphun tañ jơnum blung a mơng Jơnum min pơlir hơbit Việt Nam-Timor-Leste gưl Khua ding jum pơtom hiăp; kơsem min, anăp nao akŏ pơjing hơdôm hơdră ngă hrŏm phrâo, lăp djơ̆ hăng tơlơi rơkâo ngă hrŏm mơng dua bơnah.

Khua mir sir pơsit tong Việt Nam amra tŏ tui djru brơi braih apiăng, kiăng pơhlôm brơi Timor Leste huăi kơƀah mơnong ƀong huă; rơkâo dua bơnah pơhrơ̆i ƀudah kĭ phrâ hră pioh hơdor kơ sĭ mơdrô braih apiăng; pơtrut pơsur Timor-Leste blơi lu dong gơnam hiam hơdjă mơng Việt Nam hơmâo sum ao, akhŏ jĕp, ia mơmih, ia tơsâo, gơnam pơkra pơjing, gơnam đang hmua….