Anai lĕ boh tơhnal hơmâo Ding jum ngă hmua hăng pơđĭ kyar ƀon lan lăi rơđah amăng “Jơnum klah čun 2 thun pok pơhai tui akŏ bruă hrưn đĭ yua amăng bruă pơsur ngă hmua hluai tui hơdôm hơbô̆ bruă pơsur ngă hmua amăng mơnuih mơnam” hơmâo pơphun amăng lơ 2/8, ƀơi plơi prong Pleiku, tơring čar Gia Lai. 2 thun rơgao, hơmâo rơbêh 5.000 grup pơsur ngă hmua amăng plơi pla hơmâo gum hrŏm hăng pơphun hơdôm rơtuh anih pơtô hrăm kiăng pơđĭ kyar amăng kual pla pơjing, pơlir ngă tui 14 akŏ bruă pơsur ngă hmua.

Mơng anun, djru pơđĭ kyar kual pla pơjing pơhlôm klă amăng sĭ mơdrô brơi 500 ektar hmua pơdai, 300 ektar phun boh troh, 150 ektar đang kơphê amăng hơdôm boh tơring čar, plơi pla. Ăt amăng 2 thun rơgao, ƀing ding kơna grup pơsur ngă hmua hơmâo pơphun 46 wŏt pơlir hơbit blơi pơhrui gơnam brơi 2.100 čô mơnuih ngă hmua pơdai; djru pơlir hơbit ngă hmua, blơi pơhrui gơnam amăng hơdôm boh tơring čar kual Tong krah.