Tơdơi kơ sem lăng, pơčrong sai, ƀing pơ ala mơnuih ƀôn sang tơring čar Dak Lak hơmâo pơsit hĭ Hră pơtrun brơi pơmut 2 boh ă, 2 boh phường hăng pơkă glăi lŏn wai lăng, mrô mơnuih ƀôn sang hăng dua boh să. Rơđah biă ñu, ƀơi tơring glông Krông Bông amra pơmut glăi să Hòa Tân hăng să Hòa Thành. Giong pơmut jing sa boh să anăn lĕ să Hòa Thành. Ƀơi plơi prong Ƀuôn Hô, sa črăn să Ea Blang amra pơmut nao amăng să Ea Drông.
Črăn dŏ glăi pơmut nao amăng să Ea Siêng. Ƀơi plơi prong phun Ƀuôn Ma Thuôt lĕ amra pơmut glăi Phường Thắng Lợi hăng Phường Thành Công, akŏ pơdong jing phường Thành Công phrâo. Pơmut hĭ phường Thống Nhất hăng Phường Tân Tiến jing phường Tân Tiến phrâo. Hrŏm hăng anun, tơring čar amra pơkă glăi, kah pơpha sa črăn đơ đam lŏn glai, mrô mơnuoh ƀôn sang să Ia Rvê, tơring glông Ea Sup hăng să Ia Lôp, tơring glông Ea Sup mơ̆n.
Viết bình luận