Khua mir sir dêh čar ta pơtŏng sit EU jing bơnah gum hrŏm yôm phăn biă mơ̆ng Việt Nam; djơ̆ pran lăng ƀuh tơlơi rô nao rai kơplah wah Việt Nam hăng EU hơdôm hrơi rơgao pơđĭ kyar klă, pơdah tui bruă dua bơnah kơtưn pơplih nao rai grŭp čuă nao rai, pơbưp gưl dlông; pok pơhai ba glăi bôh tơhnal lu tơlơi pơkôl hăng hơdră pơkă gum hrŏm, bơkơtuai.

Khua mir sir dêh čar ta rơkâo dua bơnah pơtrut kơtang dong bruă pơplih grŭp čuă nao rai, biă ñu gưl dlông; pok pơhai ba glăi bôh tơhnal Tơlơi pơkôl gum hrŏm abih bang Việt Nam hăng EU, Tơlơi pơkôl EVFTA ăt kah hăng hơdôm tơlơi pơkôl, hơdră pơkă gum hrŏm pơkon. Khua mir sir dêh čar ta ăt rơkâo mơn EU pơtrut hơdôm bôh dêh čar ding kơna dô̆ glăi tañ pơsit Tơlơi pơkôl pơgang ba tuh pơplai Việt Nam - EU; djă pioh dong ODA kơ Việt Nam; kơtưn gum hrŏm gah pơgang hơđong plăng internet, hơđong ia rơsĭ, pơgang pơgăn ayuh hyiăng ƀu klă ngă./.