Pơ ala kơ Khua git gai Ping gah, Kơnuk kơna, Khua dêh čar ta bơni tơlơi gir run, gum hơgôp yôm phăn mơ̆ng mơnuih Việt Nam dô̆ pơ̆ dêh čar tač rơngiao, amăng anun hmâo mơnuih Việt Nam ƀơi dêh čar India amăng hơdôm bôh than dưi ngă mơ̆ng lŏn ia hơdôm hrơi rơgao.

Khua dêh čar ta pơtŏng sit Ping gah, Kơnuk kơna đing nao, lăng mơnuih Việt Nam pơ̆ dêh čar tač rơngiao lĕ sa črăn ƀu klah mơ̆ng khul mơnuih djop djuai ania Việt Nam, mă yua hơdôm hơdră pơkă, hơdră bruă ngă gal brơi hloh kơ neh wa mă bruă, dô̆ hơdip mơda, pơhrăm hăng gum hơgôp kơ lŏn ia./.