Tui hăng hră pơsit, yă Lê Thị Thanh Xuân, Kơ-iăng Khua Grup khua mua pơ ala mơnuih ƀôn sang dêh čar ƀơi tơring čar Dak Lak glăi ngă khua Gơnong bruă Pơtô hăng Pơjuăt tơring čar Dak Lak, thun blan ngă khua amăng 5 thun, yap mơ̆ng lơ 1/8/2024, pơhrua kơ ơi Phạm Đăng Khoa, pơdơi lơtret, abih thun bruă tui tơlơi phiăn. Yă Lê Thị Thanh Xuân, thun tơkeng 1977, thun anai 47 thun, plơi pla ƀơi Dă Amron (Dam Rông), tơring glông Dam Rông, tơring čar Lâm Đồng.
Hrăm bruă truh nai prin tha gah gru grua hiam đưm, nai pơtô tơlơi hrăm Ngữ Văn. Tơlơi hrăm kơđi čar kơnuk kơna truh gưl dlông "lý luận chính trị cao cấp". Amăng thun blan mă bruă, đĭ ngă khua, yă Lê Thị Thanh Xuân hơmâo apăn lu bruă mă phara phara, mơ̆ng bruă ngă nai pơtô, ngă bruă ƀirô amăng gơnong bruă Pơtô hăng Pơjuăt tơring čar Dak Lak, Kơ-iăng Khua sang hră hrăm bruă ngă nai pơtô gưl muai Trung cấp sư phạm mầm non Dak Lak truh ngă Kơ-iăng Khua Gơnong bruă Pơtô hăng Pơjuăt tơring čar Dak Lak, Khua git gai ping gah plơi prong Ƀuôn Hô, khua pơ ala mơnuih ƀôn sang dêh čar tơring čar Dak Lak tal XIV hăng XV.
Viết bình luận