VOV4.Jarai - Tơlơi truh lơ̆m 1 mông 30 mơnit mơguah anai lơ 16/4, yua rơdêh prong tŭ kơ tlă nao amăng bơnư̆ pơđoh ia. Anai jing tơlơi truh ƀơi jơlan glông tal 3 amăng 4 hrơi rơgao či tơring čar Kon Tum, ngă 4 čô mơnuih djai hăng 26 čô mơnuih ruă.

VOV4.Jarai – Čơtlăm lơ 16/4, ƀrô djơ̆ tal hơdor glăi 70 thun Hrơi tlaih rơngai Điện Biên Phủ, Grŭp mơnuih hyu mă bruă mơ̆ng Gong gai dêh čar yua kơ Khua dêh čar ta ơi Phạm Minh Chính ngă Khua Grŭp tuĭ ñang hăng čih hơdor pioh, hơdor tơngia bơngat jua Đại tướng Võ Nguyên Giáp hăng ƀing ling tơhan pơsăn drơi hmâo sông kơtang kơdŏng glăi ayăt, ba glăi tơlơi rơngai Điện Biên Phủ “ư-ang hyu djop dêh, ngă kơtuă rŏng lŏn”.

VOV4.Jarai - Tŭ ư tơlơi jak iâu mơ̆ng Kơnuk kơna dêh čar Cuba, Kơ-iăng khua dêh čar ơi Trần Lưu Quang pơphun nao čuă sit nik dêh čar Cuba mơ̆ng lơ 14-19/4.

VOV4.Jarai-Mơguah lơ 16/4, ƀơi plơi prong Ƀuôn Ma Thuôt, tơring čar Dak Lak pơphun jơnum, pok anih pơtô lăi, pôr pơthâo pơđĭ tui tơlơi thâo hluh kơ bruă pơgang guai dêh čar hăng pơgang ayuh hyiăng, brơi kơ rơbêh 150 čô mơnuih apăn bruă khul, khul grup, ding kơna tha rơma mut phung amăng kual Dap Kơdư.

VOV4.Jarai-Ƀrô hơdor glăi tal 120 thun Hrơi tơkeng kơ rơgŏm ơi Trần Phú, Khua hơđăp git gai ping gah, mơguah lơ 16/4, ơi Nguyễn Xuân Thắng-ding kơna ding jum kơđi čar, Khua Khul pơtô djơ̆ dêh čar nao čuh ñang h’ŭ ƀơi anih pioh hơdor glăi kơ rơgŏm ơi Trần Phú, Khua git gai hơđăp ping gah dêh čar ƀơi să Tùng Ảnh, tơring glông Đức Thọ, tơring čar Hà Tĩnh.

VOV4.Jarai-Tơring čar Kon Tum hơmâo rơbêh 500 boh plơi, mơnuih djuai ƀiă dŏ lu biă mă ñu pơ kual ataih asuek. Hơdôm thun rơgao yua hơmâo tơlơi gơgrong, ba jơlan hlâo mơ̆ng ƀing ngă khua ping gah plơi, bruă man pơdong plơi pla phrâo amăng kual mơnuih ƀôn sang djuai ƀiă dŏ ƀơi tơring čar Kon Tum hơmâo lu anŏ pơblih phrâo, tơlơi hơdip mơda mơnuih ƀôn sang hăng bruă mă mơ̆ng ană plơi pla ăt pơblih đĭ tui klă.

VOV4.Jarai-Kơčăo bruă jơlan rơdêh đuăi hmar Khánh Hòa-Ƀuôn Ma Thuôt, hlăk pơtrut hmar čuk pơkra ƀơi djop črăn. Hơdôm sang bruă pơphun čuk pơkra jơlan brơi nao hơdôm rơtuh čô mơnuih mă bruă, lu rơdêh čuk, rơdêh tuah, rơdêh kor, dơlit phrâo, mă bruă amăng tơhrơi hăng mlam kiăng tañ giong.

VOV4.Jarai-Tlam lơ 15/4, ƀơi tơring čar Phú Thọ, Anom pơtô bruă ping gah dêh čar ngă hrŏm Anom bruă kơđi čar gah ling tơhan mơnuih ƀôn sang Việt Nam hăng Ping gah tơring čar Phú Thọ pơphun jơnum bưp ƀing čih tơlơi pơhing phrâo, anom bruă pơčeh tơlơi hơ̆k hơr kual čư̆ siăng gah kơdư dêh čar.

VOV4.Jarai - Tŏ tui mông jơnum lok 32, hrơi anai (lơ 16/4), Jơnum min apăn bruă pơ ala mơnuih ƀôn sang dêh čar pơgôp hiăp kơ Tơlơi phiăn pơplih pơkra, pơhrua tui hơdôm tơlơi mơ̆ng Tơlơi phiăn ia jrao.

VOV4.Jarai- Mơguah lơ 15/4, 20 čô mơnuih rơka lơm rơdêh pơjrŏm ƀơi tơring čar Kon Tum ƀuh tlam mơmŏt lơ 13/4, hơmâo ba nao pơ ƀôn prong Hồ Chí Minh.