Mơ̆ng rơnuč thun 2023 truh ră anai, Gong gai hăng Khua dêh čar ta hmâo pơsit đing nao yua prăk hăng črâo ba kơtang tañ rơnoh bruă pơkra jơlan glông gŏng hrĕ apui 500kV arăt tal 3 mơ̆ng Quảng Trạch (Quảng Bình) truh pơ̆ Phố Nối (Hưng Yên), gir run hrưn đĭ pơhlôm ngă giong hlâo kơ lơ 30/6/2024.

Hơdôm ƀirô ding jum, gơnong bruă, gưl Ping gah, gong gai hơdôm bôh tơring čar, ƀôn prong hmâo pơphun khut khăt; Grŭp apui lơtrik Việt Nam, Phun akha Sang bruă pơkĕ hyu apui lơtrik dêh čar hmâo đing nao prong, gum hrŏm hơdôm Grŭp, anom bruă lăi pơthâo hăng giăm truh 15.000 čô mơnuih apăn bruă, ƀing mă bruă măi mok, mơnuih mă bruă čar, mă bruă kơ sang măi amăng hơdôm anih anom pơdŏng pơkra. Truh ră anai, mrô bruă prong hmâo ngă tui laih. Ră anai, hơdôm bôh anom glăk đing nao prong hăng pran pơsit prong hloh, pioh gum hrŏm ba ring bruă glông gŏng hrĕ apui 500kV arăt tal 3 pơhlôm klă truh akô̆ djơ̆ tui rơnoh pơkă hlâo kơ lơ 30/6/2024./.