![VOV/Nay Jek pơblang](/themes/custom/vov_4/images/avatar.png)
Pơhiăp ƀơi mông jơnum, Khua dêh čar ơi Phạm Minh Chính pơdah pran jua mơak ƀuh tơlơi kiăng tơpă, đăo kơnang nao rai hăng tơlơi pơpŭ tơdruă, djru mơnuih ƀôn sang dua bơnah dêh čar, laih dơ̆ng lăi bruă ngă giăng mah plah wah Việt Nam-Hàn Quốc aka ƀu hơmâo ôh hiam mơak kah hăng ră anai. Kơ bruă ngă hrŏm dua bơnah, Khua dêh čar brơi thâo, tơdơi kơ 30 thun ngă hrŏm, hơmâo thun ñu ƀu hruaih ôh, samơ̆ ƀuh lu mơnuih mă bruă apah mơ̆ng dêh čar Việt Nam ƀơi Hàn Quốc lĕ, kiăng biă mă, lu mơnuih mă bruă mơ̆ng Việt Nam mơak mơ̆n dŏ glăi mă bruă ƀơi dêh čar Hàn Quốc.
![Khua dêh čar ơi Phạm Minh Chính đĭ pơhiăp ƀơi mông jơnum](https://vov4-media.solidtech.vn/sites/default/files/styles/large/public/2024-07/tt_pham_minh_chinh_phat_bieu_tai_dien_dan_3.jpg)
Khua dêh čar ơi Phạm Minh Chính đăo kơnang, hăng tơlơi gir run kơtang, prong hloh mơ̆ng dua bơnah tui hăng atur tơlơi ngă giăng mah mơak klă hlom bom plah wah Việt Nam-Hàn Quốc, bruă ngă hrŏm bơwih ƀong huă, mă bruă ăt amra pơtrut tui jing tơmeh phun mă bruă kơ dua bơnah, laih dơ̆ng jing anih ưh kơnang kơ tơlơi rô nao rai mơ̆ng dua bơnah đĭ nao amăng hơdră phrâo hing ang hrŏm.
Viết bình luận