Lu tơlơi hơmâo lăi pơthâo amăng mông bưp, amăng anun tơlơi arăng plư pleč leč pơdar amăng internet, ngă kơ lu mơnuih mă bruă apah lê̆ luh, ngă răm gơnam bơwih ƀong huă, rơngiă prăk kăk. Nao bưp jơnum hrŏm hăng ră ruai nao rai, hơmâo Thiếu tướng Nguyễn Thị Xuân, Kơ-iăng Khua anom bruă kông an tơring čar Dak Lak brơi thâo, mơ̆ng thun 2023 truh ră anai, kông an tơring čar Dak Lak hơmâo ĕp tơlơi soh, ƀuh hăng tơgŭ kơđi 7 mơta tơlơi, 8 čô mơnuih ngă soh, plư arăng hăng mă dram gơnam tui tơlơi pơhing amăng internet.

Thiếu tướng Nguyễn Thị Xuân lăi pơtong, anom bruă tơhan kông an djop gưl ƀu pơsir ôh kơđi tơlơi pơhiăp hăng telephôn hăng amăng plang facebook tơlơi pơhing mơnuih mơnam, khom nao pơhaih pơ sang bruă tơhan kông an pơsir, ƀudah mơ-it hră pơhaih kơđi tơlơi, jak iâu ƀing hơmâo anăn pơdjơ̆ nao ƀuh ƀô̆ mơta ƀơi sang bruă kông an pioh tơña hăng pơsir ƀơi anăp mơta.