Đĭ pơhiăp amăng mông jơnum, ding kơna Khul git gai Ping gah ơi Lương Cường lăi rơđah, dŏ kơnong rơbêh ha thun dong lĕ pơđut hĭ rơwang mă bruă tal XIII mơng Ping gah, yua anun, Khul pơphô bruă Ping gah kiăng gir run, khut khăt, tŭ yua ƀiă dong kiăng pơgôp ngă truh kih hơdôm bruă jao amăng pơphô bruă, pơgang, pơgăn hưp ƀong kông ngăn, bruă ngă soh hăng pơplih pơkra phiah phiăn tui tơlơi pơtrun mơng Jơnum Ping gah tal XIII.
Kiăng tŏ tui ngă klă bruă pơphô pơgang, pơgăn hưp ƀong kông ngăn, bruă ngă soh, pơlir hăng bruă pok pơhai ngă tui klă tơlơi pơsit mrô 144 mơng Ding jum kơđi čar kơ tơlơi hơdip, bruă mă mơng ƀing apăn bruă Ping gah amăng rơwang phrâo. Hrŏm hăng anun, tŏ tui pơphô bruă kiăng pơsir hĭ khut khăt hơdôm kơđi hưp ƀong kông ngăn, bruă ngă soh bơdjơ̆ nao ƀing apăn bruă Ping gah, djru brơi bruă ruah mơnuih apăn bruă amăng Jơnum Ping gah djop gưl.
Viết bình luận