Amăng mông mă bruă, Khua Ding jum kơsem min bôh thâo phrâo hăng hơdră phrâo măi mok lăi pơthâo glăi bôh tơhnal pơđĭ kyar bruă kơsem min bôh thâo phrâo hăng hơdră phrâo măi mok ngă tui Tơlơi pơtrun pơsit Jơnum khua pơ ala đơ đam dêh čar ta tal 13 mơ̆ng Ping gah.
Pơsit yôm bôh tơhnal ƀuh rơđah mơ̆ng gơnong bruă bôh thâo phrâo hăng hơdră phrâo măi mok dưi ngă amăng rơbêh kơ 3 thun ngă tui Tơlơi pơtrun pơsit Jơnum tal 13 mơ̆ng Ping gah, ơi Nguyễn Xuân Thắng bơni hơdôm tơlơi gir run prong, pran jua gơgrong hlâo, pơčeh phrâo mơ̆ng gơnong bruă kơsem min bôh thâo phrâo hăng hơdră phrâo măi mok. Hrŏm hăng anun rơkâo gơnong bruă kơsem min bôh thâo phrâo hăng hơdră phrâo măi mok đing nao pơtlaih hơdôm tơlơi gun, anih akă hruaih gah hơdră pơkă, tơlơi pơkă, hơdră bruă bơdjơ̆ nao hơdôm tơlơi prăk kak; đing nao kơsem min lu bruă hơdră mă yua măi mok phrâo mơ̆ng rŏng lŏn tơnah bơdjơ̆ nao truh hơdôm jơlan gah pơplih mơtah, pơplih mrô, pơplih apui yua./.
Viết bình luận