Amăng mông bưp, khua dêh čar ơi Phạm Minh Chính hok mơ-ak čơkă grup khua mua kơnuk kơna dêh čar Lao rai čuă, mă bruă ƀơi dêh čar Việt Nam hăng đăo gơnang tal rai čuă, mă bruă amra truh kih, tŏ tui pơgôp yôm phăn amăng bruă ƀu pơdơi kơtưn hăng hơkrŭ tơlơi rô nao rai giang mah hing ang, pran gum pơgôp yôm phăn hăng ngă hrŏm djop mơta kơplah wah Việt Nam-Lao; laih dong rơkâo Ding jum pơtom hiăp dua boh dêh čar tŏ tui gum hrŏm  kjăp prap lui klă hrơi pơbưp khua mua pơprong pơ anăp anai.

Kơ-iăng khua dêh čar, Khua ding jum pơtom hiăp dêh čar Lao pơsit tong Ping gah, Kơnuk kơna hăng mơnuih ƀôn sang Lao amra tŏ tui hrŏm hăng Ping gah, kơnuk kơna hăng mơnuih ƀôn sang dêh čar Việt Nam pơtrut hăng djă pioh tơlơi rô nao rai giang mah hing ang, pran gum pơgôp yôm phăn hăng ngă hrŏm djop mơta Việt Nam-Lao. Hlâo anun, Kơ-iăng Khua dêh čar Trần Lưu Quang hơmâo mông bưp Kơ-iăng Khua dêh čar, Khua ding jum pơtom hiăp dêh čar Lao hrŏm hăng grup hyu mă bruă pơlir djop ding jum, gơnong bruă mơng Kơnuk kơna Lao.