![VOV Tây Nguyên/Siu H' Prăk pơblang](/themes/custom/vov_4/images/avatar.png)
Amăng mông bưp, tơlơi pơkă kual mă čuah bôh pơtâo bơrơkua đĭ lu kual mơnuih ƀôn sang dô̆, jing laih tơlơi dưi hmâo lu mơnuih pơ ala mơnuih ƀôn sang lăi nao hăng rơkâo đĭ. Tui Tơlơi pơsit mrô 866 mơ̆ng Khua dêh čar, plơi prong Bảo Lộc hmâo giăm truh 4.300 ektar lŏn gah kual pơkă lăng hlâo, hyu mă, pơkra hăng mă yua lŏn čuah rơwang 2021-2030 hăng tơhnal lăng truh thun 2050. Lu ñu kual lŏn anai gah hơdôm bôh să, phường kual krah, hmâo rơnoh mơnuih dô̆ lu anun ƀu kơnong kơ ba truh tơlơi tơnap kơ tơlơi hơdip mơda, bơwih ƀong mơ̆ng mơnuih ƀôn sang đôč ôh mơ̆, bruă pơdŏng anom mă yua kơ mơnuih ƀôn sang, ngă pơhưč tuh pơplai, pơđĭ kyar bơwih ƀong – mơnuih mơnam mơ̆ng plơi prong ăt bưp tơnap mơn.
![Đơ đam anih anom amăng mông bưp mơnuih pơ ala kơ mơnuih ƀôn sang](https://vov4-media.solidtech.vn/sites/default/files/styles/large/public/2024-07/Tiep%20xuc%20c%C6%B0%20tri%20Lam%20Dong.jpg)
Amăng mông bưp, ơi Trần Đình Văn, Khua Grŭp Khua pơ ala mơnuih ƀôn sang dêh čar tơring čar Lâm Đồng lăi lĕ, pơkă kual mă lŏn čuah dô̆ bơrơkua hăng lu kual pơkă pơkon mơ̆ng dêh čar wot ƀơi tơring čar. Tơlơi anai ba truh lu tơlơi gun gah tơlơi phiăn, jing anô̆ gun ngă tơnap amăng pok pơhai ngă tui sa dua ring bruă phun mơ̆ng tơring čar. Tơlơi anai Grŭp khua pơ ala mơnuih ƀôn sang ăt hmâo laih tơlơi rơkâo đĭ hăng Khua pơ ala mơnuih ƀôn sang dêh čar, hăng Gong gai dêh čar hăng Khua dêh čar amăng tal jơnum phrâo rơgao pioh hmâo hơdră pơtrun pơsir./.
Viết bình luận