Pơhiăp ƀơi mông mă bruă, ơi Lương Cường rơkâo, Anom pơtô bruă ping gah dêh čar kiăng thâo tong ten tơlơi pơhing pơdjơ̆ nao kơ bruă pơtô lăi, pôr tơlơi pơhing, prăp lui kơsem min lăi pơthâo kơ bruă akŏ pơdong ping gah, kơđi čar, tơlơi pơmin pran jua tơpă. Laih dơ̆ng, kiăng ngă hrŏm hăng djop anom bruă pơdjơ̆ nao, lăi pơthâo, rơkâo brơi akŏ pơdong, dăp bruă kơ ƀing khua mua apăn bruă.

Khua gum bruă ping gah dêh čar lăi lĕ, khom kơtưn hloh amăng bruă pôr tơlơi pơhing, pơtô lăi kiăng tŭ ư hrŏm sa hnong amăng ping gah hăng mơnuih mơnam dêh čar, kiăo tui tong ten hăng pơčeh phrâo djơ̆ mơ̆ng jơlan hơdră pơphô mơ̆ng Mac-Lê Nin hăng tơlơi pơmin Hồ Chí Minh amăng tơlơi pơhing phrâo ră anai. Khom ngă tui djơ̆, tơlơi pơtrun, tong ten sit nik tơlơi pơtô hăng bruă mă, ngă tui pơblih phrâo, thâo pơčeh djơ̆ hơdôm tơlơi pơtrun, ƀu pơmin khăng khŏp kraih đơi, tui tơlơi hơđăp đưm, ƀu kơđiăng, hăt he đơi bruă mă. Ăt khom ngă klă hloh bruă mă jao kơ ta amăng thun blan pơ anăp.