Ơi Tô Lâm, khua mir sir dêh čar ta lăi, Việt Nam lăng yôm bruă ngă giăng mah gru grua hăng ngă hrŏm lu mơta hăng dêh čar Belarus, dưi hơmâo khua mua laih anun mơnuih bobon sang dua bơnah pơpŭ tui mơ̆ng rơnuk Liên Xô hlâo adih, ăt kah hăng ăt pơtrut tui ngă hrŏm amăng 30 thun rơgao yap mơ̆ng dua boh dêh čar akŏ pơjing bruă pơtom hiăp tong ten hloh thun 1992; lăi pơtong Việt Nam lăng kơ Belarus lĕ gơyut gơyâo, bơnah ngă hrŏm lăp đăo kơnang kơnang, pơpŭ sit tơlơi djru ba mơ̆ng Belarus pioh kơ Việt Nam hlâo adih, pơsit kơtưn hloh ngă hrŏm lu bruă hăng Belarus.

Pơčrong sai kơ bruă ngă hrŏm hăng jar kmar laih anun jơnum lu boh dêh čar, Khua mir sir ơi Tô Lâm hăng khua anih jưh pơ ala dêh čar Belarus tŭ ư dua boh dêh čar amra ngă hrŏm laih anun dong yua tơdruă amăng mông jơnum jar kmar, djru pơgôp sa črăn amăng bruă pơgang tơlơi rơnuk rơnua amăng kual, rŏng lŏn tơnah hăng pơtrut pơđĭ kyar hrŏm mơak hơđong na nao.