Pơhiăp ƀơi mông jơnum, Khua ding jum kông an, ơi Lương Tam Quang lăi rơđah: Jơnum tal anai pơčrong sai hơdôm boh yôm phun kah hăng: Pơtong glăi boh tơhnal, bruă dưi ngă git gai wai lăng pơčrâo trun ngă tui bruă mă kơđi čar mơ̆ng akŏ thun truh ră anai; pơdah thâo bruă mă phun yôm hăng hơdră pơsir ngă tui kiăng ngă giong bruă jao amăng thun 2024; pơtong lăng bruă mă ngă tui hơdôm jơlan hơdră mơ̆ng ping gah, kơnuk kơna pơdjơ̆ nao bruă mă mơ̆ng tơhan kông an laih anun čih pơkra, pơhrua nao dơ̆ng tơlơi dưi, bruă mă kơ hơdôm sang bruă gah Ding jum kông an.

Jơnum anai, ăt hơmâo pơčrong sai hăng pơƀut bruă mă 6 blan akŏ thun, bruă mă, pơsir dơ̆ng 6 blan rơnuč thun 2024 mơ̆ng Ding jum kông an hăng hơdôm boh yôm phun pơkŏn.