![VOV Tây Nguyên/Siu Đoan Pơblang](/themes/custom/vov_4/images/avatar.png)
Hrŏm hăng bruă lăi glăi, tŭ mă hơdôm tơlơi pơgôp hiăp mơng mơnuih ƀôn sang amăng hơdôm bruă bơwih ƀong, mơnuih mơnam, ơi Phan Đình Trạc rơkâo gơnong bruă bơdjơ̆ nao tơring čar Lâm Đồng sem lăng, pơsir hĭ bruă čan prăk mă kmlai lu mơ̆ mơnuih ƀôn sang hơmâo lăi pơthâo. Amăng anun hơmâo bruă sa čô mơnuih čan 270 klăk prăk samơ̆ lơm pơsir kơđi khŏm tla glăi arăng rơbêh 4 klai prăk, anai lĕ mơnuih ƀôn sang anăn Kơ Să Ka Thêm.
![Ơi Phan Đình Trạc đĭ pơhiăp amăng mông bưp mơnuih ƀôn sang](https://vov4-media.solidtech.vn/sites/default/files/styles/large/public/2024-07/cu_tri_buc_xuc_vay_270_trieu_toa_an_buoc_nguoi_vay_tra_chu_no_4_ty_dong__1.jpg)
Đĭ pơhiăp amăng mông bưp, ơi Phan Đình Trạc, Ding kơna Ding jum kơđi čar, Ding kơna Khul git gai Ping gah dêh čar, Khua anom djru bruă Ping gah brơi thâo, hơdôm tơlơi pơgôp hiăp, rơkâo đĭ mơng mơnuih ƀôn sang ăt lăp djơ̆ mơn. Bruă čan prăk mă kmlai lu amăng ƀon lan lăi hrŏm hăng yă Kơ Să Ka Thêm hnun mơn, ơi Phan Đình Trạc rơkâo anom bruă bơdjơ̆ nao tơring čar Lâm Đồng pel ĕp, sang phat kơđi kiăng lăng glăi kơđi anai dŏ tơlơi hơget mơn aka ƀu tong ten.
Viết bình luận