Đĭ pơhiăp amăng mông jơnum, Khua dêh čar ơi Phạm Minh Chính lăi pơtong, tui tơlơi sit nik amăng jar kmar ră anai, pơđĭ kyar hơđong kjăp, djop mơta hăng pơđĭ kyar mơta lĕ tơlơi kiăng hloh amăng djop dêh čar; amăng anun, gru grua jing bruă pơtrut pơđĭ kyar hơđong kjăp, yua anun djru bruă bơwih brơi tuai čuă ngui amăng rŏng lŏn tơnah dưi pơđĭ kyar tañ ƀiă pơhmu tui tơlơi pơkă.

Tui Khua dêh čar, dêh čar Việt Nam-Hàn Quốc lĕ dua boh dêh čar kual Asia hơmâo hrup lu gru grua yôm phara, amăng rơbêh 30 thun rơgao, tơlơi rô nao rai Việt Nam-Hàn Quốc hơmâo hơdôm tơlơi yak nao pơđĭ kyar kơtang hloh, jing bơnah ngă hrŏm djop mơta amăng thun 2022 hăng glăk amăng rơwang pơđĭ kyar hiam klă hăng gêh gal hloh dong mơng hlâo anun truh ră anai. Sit biă ñu, ngă hrŏm gah tuai čuă ngui hăng gru grua ba glăi lu tơlơi dưi.