Ăt amăng tlam lơ 6/6 mơn, ƀing khua pơ ala hơmâo pơphun giong laih bruă tơña hăng lăi glăi ƀơi mông Jơnum lok 7. Tơpă ară, glăm bruă, anun jing tơlơi pơmin hrŏm mơ̆ng abih bang khua mua wơ̆t hăng mơnuih ruah khua amăng 2 hrơi ha mơkrah jơnum tơña. Kơ-iăng khua dêh čar ơi Trần Hồng Hà hăng 4 čô Khua ding jum, anom bruă hơmâo lăi glăi lu bruă mơ̆ ƀing khua pơ ala ba tơbiă.

Ƀing khua pơ ala mơnuih ƀôn sang tơña djơ̆ phun tơhnal, rơđah rơđông hơdôm mơta bruă, lăi nao djơ̆ hăng tơlơi hơdip mơda; biă ñu ƀu hŭi ôh lơ̆m lăi nao hơdôm bruă prong, ngă hang amăng tơngia. Hrơi mông tơña hăng lăi glăi ƀơi sang jơnum brơi ƀuh pran jua ngă bruă tơpă sit, kiăng kơtưn pơ anăp, gơgrong bruă mơ̆ng ƀing khua anom bruă, đah mơ̆ng pơsir hĭ tơlơi tơnap, tơlơi ngă gun, či pơđĭ kyar bơwih ƀong huă - mơnuih mơnam. Lăi glăi hăng Khua mua pơ ala mơnuih ƀôn sang, Kơ-iăng khua dêh čar ơi Trần Hồng Hà lăi hơdôm hơdră git gai nua gơnam đah mơ̆ng pơhlôm pơgăn hĭ pơđĭ nua ča čot, lơ̆m pơplih prăk blan mơ̆ng lơ 1 blan 7 pơ anăp.