Ƀơi mông tŭ jum, Khua mir sir ơi Tô Lâm pơdah pran jua hok mơak tal blung a dưi bưp ƀing pơ ala djop dêh čar mơ̆ng kual EU, khua mua anom bruă mơ̆ng kual anai lơ̆m đĭ apăn bruă phrâo; bơni kơ hơdôm tơlơi bơni hơ-ơč hiam klă mơ̆ng ƀing khua mua pơ ala pơprong kual EU hăng hơdôm dêh čar ngă ding kơna. Khua mir sir lăi pơtong, EU hăng hơdôm dêh čar ngă ding kơna jing bơnah ngă hrŏm yôm biă mă mơ̆ng Việt Nam; čang rơmang ƀing khua anih jưh pơ ala anun amra jing pô pơtruh nao rai yôm, djru lu hloh amăng bruă pơtrut tơlơi ngă giăng mah, ba tơlơi ngă pŭ ƀăn Việt Nam-EU pơđĭ kyar hloh rơnuk phrâo.
Khua mir sir ăt rơkâo ƀing khua anih jưh pơ ala, khua mua pơ ala djop anom bruă pơblih nao rai khul khua mua hyu čuă jơmư hăng djru pơgôp hiăp hrŏm ƀơi kual EU tañ pơsit hĭ Hră pơkôl pơgang brơi bruă tuh pơ alin Việt Nam-EU ( EVIPA) tañ jing Hră pơkôl hăng Jơnum min kual Mi kô̆ EC tañ lui hĭ kak kơñĭ IUU hăng gơnam sĭ mơdrô mơnong akan hơdang mơ̆ng Việt Nam, djru Việt Nam pơđĭ kyar bơwih ƀong huă ƀơi kual ia rơsĭ, čem rông akan hơdang, pla rơ̆k dưi ƀong amăng kual ia rơsĭ, pơtrut bơwih ƀong huă hơđong kjăp.
Viết bình luận