![VOV/Siu H'Mai pơblang](/themes/custom/vov_4/images/avatar.png)
Ơi Trần Thanh Mẫn brơi miđai 40 thun ping gah kơ Kơ-iăng khua git gai pơ ala mơnuih ƀôn sang Nguyễn Đức Hải; ding kơna git gai Ping gah Anom bruă pơ ala mơnuih ƀôn sang dêh čar Bùi Văn Cường brơi miđai 30 thun Ping gah kơ mơnuih ping gah Đặng Vũ Hải, Kơ-iăng khua phun wai lăng Djuai ania. Pơhiăp ƀơi mông jơnum jao miđai, Khua git gai pơ ala mơnuih ƀôn sang dêh čar ơi Trần Thanh Mẫn pơsit, Miđai yôm pơphăn 40 thun hăng 30 thun mut Ping gah jing tơlơi tŭ yap, pơpŭ bơni prong mơ̆ng Ping gah ta hăng bruă gum pơgôp mơ̆ng 2 čô khua anai hăng bruă hơkrŭ hing ang mơ̆ng Ping gah.
![Khua git gai pơ ala mơnuih ƀôn sang ơi Trần Thanh Mẫn brơi miđai thun Ping gah](https://vov4-media.solidtech.vn/sites/default/files/styles/large/public/2024-06/8-6_ctqh_tang_huy_hieu_dang_2_1.jpg)
Khua git gai pơ ala mơnuih ƀôn sang dêh čar ơi Trần Thanh Mẫn čang rơmang, mơnuih ping gah hơmâo mă miđai Ping gah, amra gum pơgôp hloh dong đah mơ̆ng pơđĭ tui boh tŭ yua bruă mă mơ̆ng Ƀirô khua pơ ala mơnuih ƀôn sang, Jơnum min apăn bruă phun pơ ala mơnuih ƀôn sang, Khul wai lăng Djuai ania, hơdôm Jơnum min mơ̆ng Ƀirô pơ ala mơnuih ƀôn sang, hơdôm Anom bruă yua Jơnum min apăn bruă phun pơ ala mơnuih ƀôn sang wai lăng amăng bruă čih pơkra tơlơi phiăn, krăp lăng, pơsit hơdôm bruă prong yôm mơ̆ng lŏn ia ta; djru akŏ pơdong Kơnuk kơna tui tơlơi phiăn xã hội chủ nghĩa mơnuih ƀôn sang ngă pô, yua mơnuih ƀon sang akŏ pơdong, bơwih brơi kơ mơnuih ƀôn sang./.
Viết bình luận