Nao jơnum hơmâo rơbêh 300 čô khua pơ ala mơ̆ng hơdôm ding jum, anom bruă pơ gơnong dlông, khua mua git gai bruă mă gah tơlơi pơhing pơtom hiăp mơ̆ng 63 boh tơring čar, ƀôn prong laih anun Khua git gai tơhan pơgang guai dêh čar djop tơring čar hơmâo guai hăng dêh čar tač rơngiao. Jơnum anai pioh lu mông kiăng pôr pơhing, lăi pơthâo hơdôm tơlơi pơkă phrâo hloh amăng hră pơtrun mrô 47 mơ̆ng Kơnuk kơna kơ Hơdră mă bruă mơ̆ng Kơnuk kơna truh thun 2030, ngă tui hră Klah čun mơ̆ng Ding jum kơđi čar pơtrut tui anŏ tŭ yua pôr tơlơi pơhing pơtom hiăp amăng rơnuk phrâo ră anai.

Jơnum anai ăt lăi pơtong, ngă klă bruă pôr tơlơi pơhing pơtom hiăp amra djru kơ gơyut gơyâo dêh čar tač rơngiao thâo hluh tong ten kơ lŏn ia Việt Nam ta djơ̆ lăp. Mơ̆ng anun, thâo djop tum, rơđah rơđong kơ lŏn ia, ană mơnuih djuai ania Việt Nam, djru ngă tui jơlan hơdră pơtom hiăp dưi pok pơhư prong, lu mơta bruă, lu hơdră ngă hrŏm jar kmar laih anun mut phung bơwih ƀong huă jar kmar mơ̆ng lŏn ia ta.