![VOV Tây Nguyên/Siu H'Mai Pơblang](/themes/custom/vov_4/images/avatar.png)
Rơđah biă ñu, tui hăng tơlơi tum pơƀut mrô 1612/KL-TU mơ̆ng Khul khua apăn bruă Ping gah tơring čar Gia Lai, yă Nguyễn Thị Thanh Lịch - ding kơna ping gah tơring čar, Kơ-iăng khua gum bruă git gai Ping gah, Kơ-iăng khua Jơnum min mơnuih ƀôn sang amra gơgrong bruă git gai abih bruă mă mơ̆ng anom bruă anai mơ̆ng lơ 6/6. Hlâo kơ anun, rơnuč blan 5 thun 2024, ơi Trương Hải Long - Kơ-iăng khua ping gah tơring čar, Khua Jơnum min mơnuih ƀôn sang tơring čar Gia Lai dưi hơmâo Kơnuk kơna ruah ngă Kơ-iăng khua Ding jum bruă čar laih.
![Yă Nguyễn Thị Thanh Lịch lăi pơthâo hăng ƀing hyu mă tơlơi pơhing kơ Jơlan hơdră gru grua eng ao mơñam “Gia Lai ơi” thun 2023](https://vov4-media.solidtech.vn/sites/default/files/styles/large/public/2024-06/8-6-ba-nguyen-thi-thanh-lich_gl_1.jpg)
Yă Nguyễn Thị Thanh Lịch (48 thun) hrăm ơi ia jrao, hrăm thạc sĩ ia jrao. Ñu hơmâo Jơnum min pơ ala mơnuih ƀôn sang tơring čar Gia Lai ruah ngă Kơ-iăng khua Jơnum min mơnuih ƀôn sang tơring čar Gia Lai mơ̆ng thun 2020. Ƀơi Jơnum min mơnuih ƀôn sang tơring čar Gia Lai, hrŏm hăng yă Nguyễn Thị Thanh Lịch dŏ hơmâo 3 čô kơ-iăng khua anun lĕ ơi Nguyễn Hữu Quế, Dương Mah Tiệp hăng Nguyễn Tuấn Anh.
Viết bình luận