Thượng tướng Nguyễn Tân Cương lăi, ngă hrŏm ling tơhan dua bơnah hrơi blan rơgao đĭ kyar, tŭ yua, hmư̆ hing amăng hơdôm bruă kah hăng: Pok pơhai dlăm Tơlơi pơtrun hăng Akŏ bruă ngă hrŏm rim thun plah wah dua Ding jum ling tơhan; lăi pơthâo nao rai hơdôm hơdră đĭ kyar; pơtô pơhrăm tơhan; ngă hrŏm wai lăng, pơgang guai, djru ba mơnuih ƀôn sang pơ guai dêh čar pơđĭ kyar bơwih ƀong huă - mơnuih mơnam; ngă hrŏm dong yua tơdruă amăng hơdôm mông jơnum bơkơtuai, ngă hrŏm lu bơnah.

Thượng tướng Nguyễn Tân Cương kiăng amăng hrơi blan pơ anăp, dua bơnah kiăng pơƀut ngă hơdôm bruă kah hăng: Ngă hrŏm pơphô bruă, pok pơhai tŭ yua tơlơi pơmin hrŏm mơ̆ng khua mua pơprong hăng Ding jum ling tơhan dua boh dêh čar kơ ngă hrŏm bruă tơhan, pơgang lŏn ia; jơnum khua mua; pơbưp ling tơhan hlăk ai; pơtô pơjuăt mơnuih mă bruă; ngă hrŏm wai lăng, pơgang jơlan guai; pơtô pơblang kơ gru grua hiam mơ̆ng dua boh dêh čar, dua khul ling tơhan./.