Pơhiăp ƀơi mông jơnum, Khua mir sir ơi Tô Lâm mơ-it hiăp tơña bla, bơni hơ-ơč hiam hloh mơ̆ng ơi Nguyễn Phú Trọng Khua git gai ping gah dêh čar ta kơ abih bang khua mua, ling tơhan sơlup dêh čar. Khua mir sir rơkâo kơ tơhan sơlup ia rơsĭ tŭ ư sa pran jua thâo hluh tong ten tơlơi glăm ba, bruă dŏ ngă yôm pơphăn biă mă amăng bruă wai pơgang lŏn ia ta amăng rơnuk phrâo.

Tơhan sơlup kiăng pơtum pok pơhai tŭ yua tui Hră pơtrun mrô 44 tal XIII kơ bruă mă yôm pơgang dêh čar amăng rơnuk phrâo, boh nik ñu tơlơi pơmin, pran jua, thâo hluh phrâo amăng bruă pơgang lŏn ia; pơtô lăi tong ten tơlơi pơmin anŏ kiăng khut khăt, sơ̆n pran jua pơkơdong glăi hăng ƀing ayăt amăng bruă pơgang lŏn ia rơngai, ngă pô, hlom bom sa hnong amăng kual ia rơsĭ, kual adai rơngit laih anun djru pơgang rơnuk rơnua, hơđong kiăng pơđĭ kyar dêh čar; khom răng kơđiăng, kiăng thâo ƀing soh sat, pơmin pơblư̆ lŏn ia mơ̆ng ƀing ayăt dêh čar tač rơngiao, khom khut khăt, sơ̆n pran jua mă bruă glăm ba pơgang tơlơi dưi ngă pô kơ lŏn ia, kual ia rơsĭ dêh čar.