VOV4.Jarai - Mơguah tom brơi (4/1), ƀơi Ƀirô Ping gah, git gai jơnum jao bruă hăng hơdôm khul Ping gah, 4 anom bruă, hơdôm anom bruă Ping gah, khul grup gơnong glông, Trương Thị Mai, Ding kơna Ding jum kơđi čar, Ding kơna Khul apăn bruă Ping gah, Khua khul pơphun bruă gơnông glông rơkâo: Gir run ngă pơgiong hơdôm hơnong pơkă, bruă jao thun 2024 dong mơng akŏ blan, akŏ rơwang, akŏ thun, pơgôp yôm amăng bruă ngă pơgiong hơnong pơkă, bruă jao mơng Jơnum Ping gah tal 13.

VOV4.Jarai – Mơguah tom brơi (4/1), ƀơi Hà Nội, Anom bruă pel ĕp prăk mă yua kơnuk kơna pơphun Jơnum pok pơhai bruă mă hăng bruă Ping gah thun 2024. Ding kơna Grŭp mă bruă Ping gah dêh čar ta, Kơ-iăng Khua git gai wai lăng pơ ala mơnuih ƀôn sang dêh čar ta Nguyễn Đức Hải nao pơhmư̆ hăng đĭ pơhiăp črâo ba.

VOV4.Jarai - Tŏ tui hrơi hyu mă bruă pơ hơdôm boh tơring čar Ngŏ Dơnung dêh čar amăng akŏ thun phrâo 2024, mơguah lơ 3/1, Khua git gai pơ ala mơnuih ƀôn sang dêh čar Vương Đình Huệ hăng grup khua mua hơmâo ngă bruă hăng Khul apăn bruă git gai Ping gah tơring čar Tây Ninh.

VOV4.Jarai-Mơguah tom brơi, lơ 3/1, ƀơi plơi prong Ƀuôn Ma Thuôt, Dak Lak, Kông ty pơčruh ngăn sĭ mơdrô Nutrisol ngă lơphet “Sĭ mơdrô boh makka pơgiăng hăng kôngtener Dak Lak blung a ba nao pơ dêh čar Hàn Quốc”. Anai lĕ glông gơnam ngă hmua blung a ba sĭ mơdrô mơ̆ng tơring čar Dak Lak amăng thun 2024.

VOV4.Jarai-Tlam lơ 3/1, Khua dêh čar ơi Phạm Minh Chính nao jơnum hrŏm pơƀut bruă mă thun 2023, pok pơhai bruă mă thun 2024 anom bruă ngă hmua hăng pơđĭ kyar plơi pla.

VOV4.Jarai – Mơguah lơ 3/1, Kông ang tơring čar Gia Lai pơphun jơnum klah čun bruă mă thun 2023, pok pơhai bruă mă thun 2024. Bruă mă yôm phăn ba tơbiă amăng akô̆ thun 2024 lĕ pơhlôm rơnuk rơnua hơđong tal Tết tui phiăn juăt Giáp Thìn giăm či truh.

VOV4.Jarai – Tô̆ tui hơdôm bruă nao čuă ƀơi hơdôm tơring čar kual Ngŏ Dơnung dêh čar, čơtlăm tom brơi (3/1), Khua git gai wai lăng pơ ala mơnuih ƀôn sang Vương Đình Huệ hăng grŭp hyu mă bruă hmâo bưp laih hơdôm khul mă bruă ƀơi bah amăng guai dêh čar Jar kơmar Mộc Bài; nao pơhmư̆ jơlan hơdră gum hrŏm hơbit khul ling tơhan hăng mơnuih ƀôn sang čơkă mơ-ak hơdor glăi 65 thun hrơi phiăn juăt ling tơhan pơgang guai dêh čar (3/3/1959 – 3/3/2024); ƀơk gơnam tam kơ 100 bôh sang anô̆ ƀun rin, sang anô̆ tơnap tap kual guai dêh čar mơ̆ng tơring glông Bến Cầu, Tây Ninh.

VOV4.Jarai-Mơguah lơ 3/1, Khua dêh čar Phạm Minh Chính nao jơnum pơƀut bruă mă thun 2023 gah anom bruă Gru grua Pơrơguăt drơi jăn hăng Tuai čuă ngui. Jơnum anai pơtruh nao rai lăng amăng tivi hăng 63 boh tơring čar, ƀôn prong amăng dêh čar.

VOV4.Jarai-Thun 2023, đơ đam dêh čar hơmâo čih pioh 125 wơ̆t arăng măt mơnong ƀong huă, ngă kơ 2,1 rơbâo čô mơnuih măt hăng 28 čô mơnuih djai, lăp đing nao hloh lĕ hơmâo mơnuih măt mơnong ƀong huă yua kơ ia jrao clostridium botulinum. Anai lĕ tơlơi pơhing lăi pơthâo ƀơi mông jơnum Khul khua mua git gai lu anom bruă ngă hrŏm mơ̆ng gơnong dlông kơ bruă pơgang hơdjă mơnong ƀong huă yua Kơ-iăng Khua dêh čar Trần Hồng Hà git gai pơphun mơguah lơ 3/1, ƀơi sang bruă kơnuk kơna.

VOV4.Jarai - Hmư̆ hing hơmâo tơlơi truh lŏn pơpư̆ čư̆ mơgơi ƀơi tơring čar Ishikawa hăng kual jê̆ giăm Tong krah Japan, ngă sat răm kơ ană mơnuih hăng dram gơnam, lơ 2/1/2024, Khua dêh čar Phạm Minh Chính hơmâo tơlơi tơña bla hăng Khua dêh čar Japan Kishida Fumio.