Kual bơwih ƀong huă Nhơn Hội arăng pơsit lĕ kual bơwih ƀong djop mơta gơnong bruă, hăng akŏ phun pơđĭ kyar lĕ bơwih brơi tuai čuă ngui, plơi prong, tuh tia pơkra ming, tơdrun kompăn, apui lơtrik pơplih pơkra hăng rông akan hơdang; anai lĕ bơnah pơđĭ kyar, pơlir hơbit kjăp hăng djop mơta hăng pơđĭ kyar hrŏm amăng plơi prong Quy Nhơn hăng kual jum dar; akŏ phun lĕ boh thâo ia rơgơi, pơplih pơčeh phrâo, anih mă yua boh thâo ia rơgơi akŏ phun amăng Việt Nam; anih bơwih brơi tuai čuă ngui prong ƀơi Việt Nam.

Amăng mông ngă lơphet, Khua git gai pơ ala mơnuih ƀôn sang dêh čar Vương Đình Huệ hrŏm hăng grup hyu mă bruă, khua mua tơring čar Bình Định hơmâo pơphun ngă lơphet pok man pơdong anih tuh tia pơkra ming, plơi prong hăng bơwih bơwang Becamex VSIP Bình Định (rơwang tal 1) ƀơi să Canh Vinh, tơring glông Vân Canh, tơring čar Bình Định; nao lăng mông kĭ pơkôl ngă hrŏm tuh pơ alin kơplah wah Becamex VSIP Bình Định hăng hơdôm anom bruă ngă hrŏm hăng abih tih nua ñu 49 klăk đôlar Mi.