Hăng pran jua ngă bruă gir run, hrơi blan giăm anai, tơhan Kông an Dak Nông hơmâo lu wơ̆t pơkơdong glăi mơnuih ngă soh. Hmư̆ hing, hơmâo tơgŭ kơđi 2 čô ngă hră pơ-ar ča čot, pơƀlor mă anom bruă kơnuk kơna, laih anun brơi čan prăk mă kơmlai lu hăng kơmlai ñu truh kơ 1080%/thun, pơhrui glăi 5 klai prăk; hơmâo mă pơkŏng, tơgŭ kơđi hăng 2 čô mơnuih mă yua măi mok boh thâo plư pleč sua mă ngăn hơdrăp amăng plang internet mơ̆ng rơbêh 1.000 čô mơnuih; hơduah ĕp pơgăn hĭ dua bruă mă pơkŏng, tơgŭ kơđi 3 čô mơnuih blơi sĭ gơnam kơnuk kơna kŏm, mă pơhrui rơbêh 660kg mơnŏng pơtuh hrŏm hăng lu gơnam pơkŏn. Mơ̆ng anun, pơhlôm rơnuk rơnua hơđong, hơmâo djŏp gưl, anom bruă tŭ yap, lăng yôm, mơnuih ƀôn sang kiăng khăp, pơpŭ bơni. Tŭ yap hơdôm bruă hơmâo ngă truh kih, Ding jum kông an pơsit apah bơni 18 grup mơ̆ng Kông an tơring čar Dak Nông.