Hăng anăn “Đah kơmơi Kon Tum lăi pơthâo gru grua yôm mơng ao adai: hăng amăng mơmŏt ngui, 350 čô đah kơmơi amăng tơring čar Kon Tum nao ngui adôh suang, buh ao adai hăng anăn “Bơnga Pơ Lang” anai lĕ eng ao Ngọc Minh pô čoh hăng hơdôm eng ao pơanăn Kual djă pioh gru grua mơng Kim Yến pô čoh. Dua čô mơnuih čoh eng ao anai lĕ hơdip ƀơi Kon Tum, hơmâo tơlơi dưi amăng bruă mă tơdơi kơ nao hrăm čoh ao adai yua Khul pơlir đah kơmơi Việt Nam gum hrŏm hăng ƀing čoh eng ao hiam hloh amăng dêh čar ta pơphun.

Ƀrô tal anai Khul pơlir hơbit đah kơmơi tơring čar Kon Tum ăt pơphun tal pơplông đah kơmơi pơphun bơwih ƀong thun 2024 hăng anăn “Đah kơmơi Kon Tum pơphun bơwih ƀong, mă yua hơdôm anŏ gal hăng pơplih mơtah”. Hrơi blan tŭ mă tơlơi čih kaih hloh amăng lơ 30/6/2024. Tal pơplông kiăng pơpŭ hơdôm tơlơi pơčeh mơng đah kơmơi amăng tơring čar Kon Tum amăng pơplih bơwih ƀong amăng djop mơta bruă, mơng anun djru brơi đah kơmơi hrưn đĭ amăng bơwih ƀong huă, pơtrut bơkơnar hăng pơjing sang anŏ yâo mơ-ak.