Jơnum Gưl dlông pha ra pơphun mơ̆ng lơ 4-6/3 jing gru pơđom pioh yôm phăn amăng gru grua hrŏm mơ̆ng Australia hăng kual. Gru pơđom pioh pơdah tơlơi pơkôl mơ̆ng Australia amăng kơtưn gum hrŏm hăng kual Đông Nam Á. Bôh yôm phun mơ̆ng Jơnum Gưl dlông pha ra tal anai lĕ hơdor glăi 50 thun bruă gum hrŏm bơkơtuai Australia - ASEAN. Jơnum gưl dlông pha ra đing nao 4 bruă phun: Bơwih ƀong sĭ mơdrô, Khua git gai phrâo hmư̆ hing rŭ đĭ, Ayuh hyiăng hăng Apui yua hơdjă, hăng gum hrŏm gah ia rơsĭ. Hơdôm bruă mă rơđah hmâo: Bơkơtuai CEO Anom bơwih ƀong tum pơƀut ƀing khua git gai anom bơwih ƀong sĭ mơdrô mơ̆ng Australia hăng Đông Nam Á; Jơnum hơdôm bôh Anom bơwih ƀong găp ƀrô hăng anet (SME); Bơkơtuai Ayuh hyiăng hăng apui yua hơdjă; Jơnum gum hrŏm gah bruă rô nao rai hăng dêh čar tač rơngiao.

            Tal nao čuă Australia hăng New Zealand mơ̆ng Khua dêh čar ta Phạm Minh Chính hăng Bơnai ñu nao hrŏm hăng Grŭp khua pơ ala gưl dlông Việt Nam, amra djru pơjing pran kơtang ngă dơlăm hloh dong tơlơi rô nao rai hăng Australia hăng New Zealand hăng pioh pok pơhai dong jơlan pơtom hiăp ha sa mơ̆ Jơnum Ping gah tal XIII hmâo ba tơbiă./.