VOV4.Jarai – Tom brơi (26/10), Grŭp hyu mă bruă Grŭp črâo ba dêh čar ta kơ pơgang, pơgăn hưp ƀong kông ngăn, tơlơi ngă soh yua kơ ơi Trần Cẩm Tú, Ding kơna Ding jum Kơđi čar, Khua Jơnum min pel ĕp kơđi tơlơi Ping gah dêh čar, Kơ-iăng Khua Grŭp črâo ba bruă pơgang, pơgăn hưp ƀong kông ngăn, tơlơi ngă soh ngă Khua Grŭp (grŭp mrô 3) hmâo laih mông mă bruă hăng Ping gah tơring čar Bà Rịa – Vũng Tàu pioh lăi pơthâo kơčăo bruă pel ĕp bruă pơplih phrâo hơdră pơtrun, hơdră bruă mơ̆ng Ping gah pơgang, pơgăn hưp ƀong kông ngăn, tơlơi ngă soh jing tơlơi phiăn mơ̆ng kơnuk kơna.

VOV4.Jarai – Ding jum wai lăng tơlơi pơhing hăng pôr pơhing dêh čar ta gum hrŏm hăng Grŭp črâo ba tơlơi dưi ană mơnuih mơ̆ng Gong gai dêh čar hăng Jơnum min mơnuih ƀôn sang čar Kon Tum pơphun Jơnum pơhrăm bruă pôr pơhing bơkơtuai kơ tơlơi dưi ană mơnuih.

VOV4.Jarai – Hăng bruă thâo ƀuh lu tơlơi ngă soh, Jơnum min mơnuih ƀôn sang tơring čar Kon Tum ba tơbiă tơlơi pơsit mă glăi lŏn abih bang mơ̆ lŏn brơi kơ Sang bruă pơkra drai ia pơkĕ apui lơtrik VGR Ngọc Linh apah lŏn, jao lŏn pioh pơdŏng drai ia pơkĕ apui lơtrik Đăk Ruồi 2 hăng Đăk Ruồi 3.

VOV4.Jarai-Kiăng pơhlôm hlâo tơlơi či truh răm ƀăm apui lơtrik hrip amăng plơi pla, hrŏm hăng bruă wai lăng pơgang hơđong hrĕ, gong apui lơtrik, thun 2023, Kông ty apui lơtrik Dak Lak pơđĭ tui bruă mă hyu pơtô lăi lu hơdră, lu mơta bruă pơdah thâo.

VOV4.Jarai-Tlam lơ 25/10, ƀơi Anom bruă Kơnuk kơna, Khua dêh čar ơi Phạm Minh Chính hơmâo tŭ jum Kơ-iăng khua, Khua ding jum pơtom hiăp dêh čar Thai Lan ơi Parnpree Bahiddha Nukara ƀrô tal rai čuă Việt Nam mơ̆ng lơ 25-26/10/2023.

VOV4.Jarai - Tŏ tui mông Jơnum lok 6, mơguah lơ 25/10, Khua mua pơ ala mơnuih ƀôn sang plĕ hră hơgŏm ruah mă 44 čô khua yua Khua mua pơ ala mơnuih ƀôn sang ruah.

VOV4.Jarai - Lơ 25/10, ƀơi plơi prong Buôn Ma Thuột, tơring čar Dak Lăk, Anom bruă ngă hrŏm jar kmar, Ding jum bruă hmua hăng pơđĭ kyar ƀôn lan pơphun Jơnum lăi pơthâo bruă pơtrut tui tơlơi gơgrong bruă mơ̆ng ƀing đah kơmơi amăng bruă pơkra gơnam mơ̆ng hmua.

VOV4.Jarai – Lơ 25/10, Jơnum min mơnuih ƀôn sang tơring čar Lâm Đồng hmâo hră pơ-ar ječ kơ bruă pơsir tơlơi truh ia ling dăo ƀơi sa bit anih ngă tơblư̆ rơdêh ba truh 4 čô tuai dêh čar Hàn Quốc djai ƀơi Kual tuai čuă ngui Làng Cù Lần tui tơlơi črâo ba mơ̆ng Khua dêh čar.

VOV4.Jarai – Khua mir sir dêh čar ta, ơi Võ Văn Thưởng phrâo kĭ pơsit Tơlơi pơkôl djru tơlơi phiăn gah hình sự kơplah wah dêh čar Việt Nam hăng dêh čar Argentina tui tơlơi rơkâo mơ̆ng Gong gai dêh čar amăng Hră lăi pơthâo mrô 523 lơ 9/10/2023.

VOV4.Jarai - Mơguah lơ 25/10, ƀơi ƀôn prong Hồ Chí Minh pơphun jơnum bơkơtuai boh thâo jar kmar kơ kual ia rơsĭ Ngŏ tal 15 hăng anăn “Guang dar anet tui kual ia rơsĭ kô̆, pok prong kual ia rơsĭ mơtah”, yua anom bruă pơtom hiăp hăng hơdôm anom bruă ngă gŏp gum hrŏm pơphun.