Amăng dua hrơi mơng lơ 12-13/12, tơlơi pơhing lăi nao tal rai čuă gưl Kơnuk kơna pơ dêh čar Việt Nam mơng Khua git gai Ping gah, Khua mir sir Tập Cận Bình ƀuh djop pok hră pơhing hăng anom pôr pơhing dêh čar Khač. Rup rap mơnuih ƀon sang Việt Nam čơkă khua mir sir Khač, mông čơkă sit nik, jơnum bơkơtuai, mông mơñum ia če, sit biă ñu mông khua git gai Ping gah dêh čar Nguyễn Phú Trọng pơyơr hăng lăi pơthâo gơnam pơyơr lĕ sa pok rup dua gơñu dŏ mơñum ia če ƀơi Bắc Kinh amăng tal nao čuă rơnuč thun 2022 brơi kơ Khua git gai Ping gah, Khua mir sir Tập Cận Bình hơmâo pơdah amăng plang internet hăng hơmâo lu mơnuih pơlar hyu.

Amăng tơlơi pơhing mơng Tân Hoa xã hăng Hră pơhing Nhân Dân, Khua mir sir Tập Cận Bình pơsit tong glăi, “Tơlơi rô nao rai jê̆ giăm Việt Nam-Khač, anai lĕ bơnah ngă gŏp rah hăng gơyut gơyâo rah” anai lĕ rup rap hiam hloh amăng tơlơi rô nao rai Việt Nam-Khač. Dêh čar Khač lêng kơ lăng tơlơi rô nao rai Việt Nam -Khač mơng yôm hăng hăng sui thun. Ñu čang rơmang, hăng tơlơi gir run hrŏm mơng dua bơnah, tơlơi rô nao rai dua boh dêh čar amra yak nao rơwang phrâo hăng đăo gơnang kơđi čar prong ƀiă dong, ngă hrŏm wai pơgang rơnuk rơnua sit nik ƀiă dong. Bruă pơjing xã hội chủ nghĩa mơng dua bơnah tŏ tui hơmâo tơlơi dưi phrâo hăng hơmâo lu tơlơi gum pơgôp phrâo amăng bruă ngă hơđong, pơđĭ kyar hăng pơdrong asah amăng kual hăng jar kmar.