Brơi hră yua lŏn bơrơkua, lok glăi jing bruă glăk hơmâo lu ƀơi tơring čar Dak Nông. Khă hnun, bruă pơkra brơi sui ngă kơ mơnuih ƀôn sang tơnap biă mă, hơmâo tơlơi hil ruă. Mơ̆ng bruă hyu krăp lăng, ơi Lưu Văn Trung, Khua Jơnum min pơ ala mơnuih ƀôn sang tơring čar Dak Nông ăt djă pioh lu tơlơi pơgôp hiăp mơ̆ng mơnuih ƀôn sang lăi glăi bruă brơi hră yua lŏn lok nao lok rai. Bruă anai hơmâo lu tơhnal, hlong ngă wơ̆t hăng ƀu kơđiăng hơmâo mơn, samơ̆ tơlơi ƀing ta kiăng lăi nao lĕ hơdră pơsir bruă mơ̆ng hơdôm anih aka ƀu lăp djơ̆, tap năng ƀu gơgrong bruă ôh.

Lăi glăi tơlơi tơña mơ̆ng ƀing khua pơ ala mơnuih ƀôn sang tơring čar, ơi Nguyễn Văn Hiệp, Khua gơnong bruă kông ngăn lŏn mơnai hăng ayuh hyiăng Dak Nông lăi, hơmâo laih hră pơtô pơsir bruă brơi hră yua lŏn bơrơkua, lok glăi. Tui anun, tui tơlơi phiăn, anom apăn bruă kơnong kiăng pơhrui glăi, ngă glăi hle dong.