Pơhiăp ƀơi mông jơnum, Khua dêh čar Kur, Hun Manet lăi pơtong, amra pơblih klă anih tuh pơ alin sĭ mơdrô hăng hơdră hruă kjăp, tong ten pơgang ba ƀing ngă bruă sĭ mơdrô tuh pơ alin ƀơi dêh čar Kur dưi hơđong mă bruă. Kơnuk kơna dêh čar Kur ăt amra gir run hloh pioh ngă gêh găl brơi kơ lu sang bruă dêh čar tač rơngiao nao sĭ mơdrô; iâu pơthưr hơdôm anom bruă sĭ mơdrô tuh pơ alin mơ̆ng dua bơnah kơtưn hloh ngă hrŏm bơwih ƀong huă laih anun tuh pơ alin kơnang kơ mông pơčrong sai prong, jơnum bơkơtuai nao rai bruă sĭ mơdrô hơmâo jak iâu khua mua dua bơnah dêh čar nao pơhmư̆; iâu pơthưr ƀing ngă bruă sĭ mơdrô mơ̆ng Việt Nam nao tuh pơ alin ƀơi dêh čar Kur lu hloh; pơtrut pơsur lu mơnuih ngă bruă sĭ mơdrô mơ̆ng dêh čar Kur tuh pơ alin ƀơi Việt Nam kiăng pơlar lu mơta bruă pơkra ming gơnam sĭ mơdrô, kiăo tui ruăi ba gơnam sĭ mơdrô.

Gah kơ dêh čar ta, Khua dêh čar Phạm Minh Chính lăng yôm kơ mông jơnum bơkơtuai anai; bơni kơ ƀing khua mua nao jơnum hrŏm djru pơgôp hiăp, pơtrut tui bruă bruă ngă kjăp giăng mah hăng ngă hrŏm plah wah dua bơnah dêh čar. Hăng Việt Nam, ăt kah hăng Kur mơ̆n, dua boh dêh čar ngă gêh găl klă hloh kơ ƀing sĭ mơdrô tuh pơ alin. Khua dêh čar iâu pơthưr tuh pơ alin nao amăng bruă ba yua mrô, bơwih ƀong huă pơhlôm akŏ klôn, tuh pơ alin kơnang kơ boh tơhnal kơsem min ia rơgơi, pơblih pơčeh phrâo, mơ̆ng anun pơđĭ tui bruă mă dua boh dêh čar bơwih ƀong huă, kah pơpha djru nao rai tơlơi thâo thăi ngă hrŏm, pok pơhư prong hloh anih anom pơđĭ kyar.