Pơbưp nai pơtô, čơđai gưl dlông Sang hră pơtô bruă sĭ mơdrô hăng dêh čar arăng Khua dêh čar ta Phạm Minh Chính ol kơdol pran jua lok glăi phiăn juăt nao hrŏm, gum hrŏm hơbit, mă bruă hrŏm, pơđĭ kyar kơplah wah dua Ping gah, dua Kơnuk kơna; Khua dêh čar ta Phạm Minh Chính čang rơmang, hăng phiăn juăt mơñum ia hơdor kơ pô pla, rơnuk hlăk ai dua bôh dêh čar khom djă pioh hăng hơdor tơngiă dơlăm pran jua tuh rơyuh prong prin mơ̆ng hơdôm rơnuk git gai hăng mơnuih ƀôn sang dua bôh dêh čar.

Ƀrô djơ̆ tal anai, Khua dêh čar ta Phạm Minh Chính pơdah pran jua bơni kơ Gong gai hăng mơnuih ƀôn sang dêh čar Kur hmâo đăo kơnang, ruah mă Việt Nam jing sa amăng hơdôm anih nao, gum hrŏm ba jơlan hlâo amăng bruă pơtô pơhrăm, pơđĭ tui bôh thâo mơnuih mă bruă mơ̆ng Kur. Khua dêh čar čang rơmang Sang hră pơtô bruă sĭ mơdrô hăng dêh čar arăng ƀu pơdơi gir run, hrưn đĭ, gum hơgôp klă mơnuih mă bruă kơ hơdôm ƀirô kơnuk kơna hăng anom bơwih ƀong bơwih kơ bruă bơwih ƀong hăng dêh čar arăng, ngă gal brơi klă hloh gah bruă hrăm, kơsem min, gah anih dô̆ anô̆ ƀong huă brơi kơ gơyut čơđai sang hră, čơđai gưl dlông dêh čar Kur./.