VOV4.Jarai - Mơguah lơ 8/12, Khua dêh čar ơi Phạm Minh Chính nao lăng mông pơphun pơdă prưng gah ling tơhan jar kmar Việt Nam 2022 (Viet Nam Defence 2022). Hrơi pơdă prưng yua Ding jum ling tơhan pơphun dong mơng lơ 8-10/12/2022 ƀơi tơdrŏn rơdêh por Gia Lâm, Long Biên, Hà Nội.

VOV4.Jarai-Mơguah lơ 8/12, ƀơi Hà Nội, Ding jum Tơlơi pơhing hăng Pôr pơhing jơnum gưl dêh čar Pơđĭ kyar anom bruă mơdrô tui boh thâo ia rơgơi mrô tal 4. Nao jơnum hrom hơmâo Kơ-iăng Khua dêh čar ơi Vũ Đức Đam hăng khua mua ding jum, anom bruă gơnong dlông.

VOV4.Jarai-Mơguah lơ 8/12, ƀơi plơi prong Đà Lạt, Khua pơ ala mơnuih ƀôn sang tơring čar Lâm Đồng tal X pok pơhai jơnum lok 8 kiăng pơtong glăi bruă mă pơđĭ kyar bơwih ƀong huă mơnuih mơnam hăng pơčrông sai, anăp ngă bruă, hơduah ĕp bruă, ƀư̆ glăi anŏ aka ƀu găl amăng git gai, wai lăng mơ̆ng kơnuk kơna.

VOV4.Jarai-Khua mua pơ ala mơnuih ƀôn sang tơring čar Dak Lak tal X, jơnum lok 5, jơnum rơnuč thun sem glăi boh tơhnal ngă tui hră pơtrun mơ̆ng Khua pơ ala mơnuih ƀôn sang tơring čar pơkă kơ bruă mă bơwih ƀong huă mơnuih mơnam thun 2022, laih anun pơdah thâo hơdră bruă amăng thun 2023 dơ̆ng, djru pơgôp hiăp kơ lu bruă yôm pơkŏn.

VOV4.Jarai-Mơguah lơ 7/12, ƀơi sang bruă mir sir, Khua mir sir ơi Nguyễn Xuân Phúc hơmâo čơkă jum Kơ-iăng Khua mir sir dêh čar Nigieria, ơi Yemi Osinbajo hlăk rai čuă jơmư dêh čar Việt Nam.

VOV4.Jarai – Daklak khom hmâo glông bruă pioh kơtưn bruă lăng tui, lăi glăi tơlơi gum pơhiăp mơng mơnuih ƀôn sang”. Anai lĕ tơlơi rơkâo mơng Kơ-iăng Khua Jơnum min djop djuai ania mơnuih mơnam Việt Nam Phùng Khánh Tài amăng mông Jơnum pel ĕp bruă jơnum min thun 2022 pok phun ƀơi plơi prong Buôn Ma Thuột čơtlăm lơ 8/12.

VOV4.Jarai – Mơguah anai (8/12), ƀơi tơdrŏn rơdêh por Gia Lâm, Hà Nội pok phun Pơdă prưng Bruă pơgang lŏn ia jar kơmar 2022, hăng tơlơi gum hrom mơng 30 bôh dêh čar ƀơi rŏng lŏn tơnah.

VOV4.Jarai – Čơtlăm lơ 7/12, Khua git gai Ping gah dêh čar ta ơi Nguyễn Phú Trọng tŭ jum Grŭp khua pơ ala khul ling tơhan gưl dlông dêh čar Lao yua kơ ơi Chăn-xa-mỏn Chăn-nha-lạt, Kơiăng Khua dêh čar, Khua Ding jum khul ling tơhan dêh čar Lao ba jơlan hlâo glăk rai čuă hăng pơhmư̆ mông pơdă prưng Bruă pơgang lŏn ia jar kơmar Việt Nam thun 2022.

VOV4.Jarai – Mơguah lơ 7/12 ƀơi Hà Nội, Ding jum kông ang pơphun Jơnum Ping gah Kông ang dêh čar gum pơhiăp hăng Tơlơi lăi pơthâo glăi bôh tơhnal bruă mă mơng Ping gah Kông ang dêh čar thun 2022 hăng jơlan gah, bruă mă thun 2023. Khua git gai Ping gah dêh čar ta ơi Nguyễn Phú Trọng nao pơhmư̆ hăng pơhiăp črâo ba amăng mông jơnum.

VOV4.Jarai – Kơnong hơdôm blan rơnuč thun anai hmâo laih 1.500 bôh anom bơwih ƀong khom hrŏ trun hră rơkâo blơi gơnam, ngă 42.000 čô mơnuih mă bruă ƀu hmâo bruă mă.