Ƀơi anăp drơi jăn bơngăt Khua mir sir Hồ Chí Minh, pơdah pran jua lăp hơdor, bơni abih pran jua kơ tơlơi gum djru prong prin mơ̆ng Wa, Khua git gai rơgơi kơhnăk, Nai pơtô rơgơi mơbruă mơ̆ng bruă hơkrŭ Việt Nam, abih tơlơi hơdip djru ĕp jơlan pơklaih rơngai djuai ania, pơlir hơbit lŏn ia, ba glăi tơlơi yâo mơ-ak kơ mơnuih ƀôn sang.

Rơnưh Nà Nưa dŏ amăng lăm glai Nà Nưa, či plơi Tân Lập, să Tân Trào, tơring glông Sơn Dương, anih Wa Hồ dŏ, ngă bruă mơ̆ng rơnuč blan 5 truh lơ 22/8/1945 či git gai bruă ayăt Blan 8 mă glăi gong gai lŏn ia, kiăng truh lơ 2/9/1945, Khua mir sir Hồ Chí Minh pơđok Hră Rơngai lŏn ia, akŏ pơjing kơnuk kơna Việt Nam Dân chủ Cộng hoà. Tŏ tui, Khua mir sir ơi Võ Văn Thưởng hrŏm hăng ƀing khua tŭi ñang ƀơi Pra yang Tân Trào, anih pơphun Jơnum khua pơ ala đơ đam lŏn ia, phun tơdŭ mơ̆ng Anom bruă khua pơ ala mơnuih ƀôn sang dêh čar Việt Nam ră anai.