Lu tơlơi gum pơhiăp amăng Jơnum min prăk kak ngăn drăp tŭ ư hăng tơlơi kiăng hloh mă yua Tơlơi pơtrun pơsit pioh mă yua hơdră bruă mă jia nua gơnam, djru hrŏ trun nua sĭ gơnam, blơi sĭ gơnam, mơ̆ng anun amra pơsur bruă blơi yua, djă pioh bruă mă kơ mơnuih mă bruă, djru mơnuih ƀôn sang, anom bơwih ƀong djă pioh rơnoh hơkrŭ glăi hăng pơtrut bruă ngă rai gơnam, sĭ mơdrô gơnam pioh djru pơwot glăi kơ ngăn drăp kơnuk kơna hăng bruă bơwih ƀong.

Lu tơlơi gum pơhiăp amăng Jơnum min prăk kak ngăn drăp tŭ ư hăng tơlơi ba tơbiă mơ̆ng Gong gai dêh čar kơ bruă brơi mă yua dong hơdră bruă mơ̆ng lơ 1/1/2025 truh abih lơ 30/6/2025. Klah čun bôh yôm anai, Kơ-iăng Khua git gai pơ ala mơnuih ƀôn sang Nguyễn Đức Hải brơi thâo, Jơnum min apăn bruă Khua pơ ala mơnuih ƀôn sang tŭ ư lăi pơthâo Khua pơ ala mơnuih ƀôn sang pel ĕp tơlơi pơsit hrŏ trun mă jia nua gơnam mơ̆ng Gong gai; rơkâo Gong gai dêh čar tŭ mă tơlơi gum pơhiăp mơ̆ng Jơnum min, tơlơi gum pơhiăp mơ̆ng ƀirô pel ĕp pioh pơhrua nao dong tơlơi pơhing pơsit pơđĭ tơhnal pơanur mơ̆ng bruă hrŏ trun mă jia nua gơnam lăi pơthâo Khua pơ ala mơnuih ƀôn sang pel ĕp tơlơi pơsit./.