Hơdôm ding jum gum hrŏm jơnum hmâo: Ding jum Khul ling tơhan, Pơtom hiăp, lăi pơthâo tơlơi pơhing hăng pôr pơhing hăng 8 bôh tơring čar, ƀôn prong anun lĕ: Hà Nội, Ƀôn Prong Hồ Chí Minh, Hải Phòng, Đà Nẵng, Cần Thơ, Quảng Ninh, Hải Dương, Tây Ninh. Tui tơlơi lăi pơthâo glăi mơ̆ng 3 ding jum, 8 bôh tơring čar, ƀôn prong, hơdôm hrơi rơgao bruă ngă tui, pơsir hră pơ-ar, lăi pơthâo bruă hrŏm, hơdôm ding jum, tơring čar, ƀôn prong hmâo laih lu tơlơi gir run hăng hmâo sa dua bôh tơhnal ƀuh rơđah.

Pơhiăp amăng mông mă bruă, Kơ-iăng Khua dêh čar ta ơi Nguyễn Hòa Bình lăi rơđah, anai lĕ sa amăng hơdôm bruă jao phun, pơsir kơjăp pơjing pran hơkrŭ glăi hăng pơtrut pơđĭ kyar bơwih ƀong, pơplih phrâo anih anom tuh pơplai bơwih ƀong sĭ mơdrô. Hrŏm hăng anun lăi rơđah, tơhnal pơkă hrưn đĭ pơjing bruă hră pơ-ar hruaih gêh gal, yua kơ mơnuih ƀôn sang mă bruă – anai ăt lĕ tơlơi črâo ba khut khăt mơ̆ng Ping gah, Kơnuk kơna ta. Bruă thâo rơđah anih ngă gun, akă dưi ngă amra hơkrŭ pơsir hơdôm bruă akă ngă giong, pơjing tơlơi gêh gal kơ mơnuih ƀôn sang, anom bơwih ƀong lơm ngă tui hơdôm mơta hră pơ-ar bruă čar./.