Amăng mông jơnum mơguah lơ 25/11, Khul apăn bruă Ping gah pơgôp hiăp tơbiă anăn mơnuih apăn bruă kiăng Ding jum kơđi čar lăi pơthâo brơi Khua pơ ala mơnuih ƀôn sang dêh čar tal XV ruah Khua ding jum prăk kak, Khua ding jum wai lăng jơlan glông, Ding kơna Jơnum min apăn bruă Khua pơ ala mơnuih ƀôn sang dêh čar, Khua čih pioh Khua pơ ala mơnuih ƀôn sang dêh čar, Khua anom bruă Khua pơ ala mơnuih ƀôn sang.

Tui tơlơi pơkă, Jơnum min apăn bruă Khua pơ ala mơnuih ƀôn sang dêh čar amra mơ-it nao hră pơ-ar ƀing tơbiă anăn kiăng Khua pơ ala mơnuih ƀôn sang dêh čar ruah Ding kơna jơnum min apăn bruă Khua pơ ala mơnuih ƀôn sang dêh čar, Khua čih pioh Ƀirô Khua pơ ala mơnuih ƀôn sang dêh čar; Khua dêh čar mơ-it hră pơ-ar ƀing tơbiă anăn kiăng Khua pơ ala mơnuih ƀôn sang dêh čar tŭ yap ruah ƀing khua ding jum. Tơdơi tŭ yap ƀing tơbiă anăn, pơčrông sai amăng grup, Khua pơ ala mơnuih ƀôn sang dêh čar plĕ hră ruah ƀing khua mua.