VOV Tây Nguyên/Siu H' Prăk pơblang
Amăng mông jơnum, khua pơ ala Grŭp pơphun bruă Ping gah tơring čar Gia Lai lăi pơthâo hơdôm Tơlơi pơsit mơ̆ng Grŭp apăn bruă Ping gah tơring čar Gia Lai, anun lĕ: Brơi ơi Nguyễn Trường Sơn- Kơ-iăng Khua git gai Ping gah, Khua Jơnum min mơnuih ƀôn sang plơi prong Ayun Pa tŭ mă bruă ƀơi Gơnong bruă jơlan nao rai dŭ pơgiăng.
Ơi Trần Anh Tuấn – Kơ-iăng Khua Gơnong bruă bôh thâo phrâo hăng hơdră mă yua măi mok Gia Lai dưi brơi nao, ruah gum hrŏm Grŭp mă bruă Ping gah, Grŭp apăn bruă Ping gah plơi prong Ayun Pa, ngă Kơ-iăng Khua git gai Ping gah plơi prong rơwang bruă 2020-2025; Ping gah tơring čar Gia Lai lăi pơthâo ơi Anh Tuấn pioh Khul Khua pơ ala mơnuih ƀôn sang plơi prong Ayun Pa ruah ngă Khua Jơnum min mơnuih ƀôn sang plơi prong rơwang bruă 2021-2026. Ơi Phan Hồ Giang, Kơ-iăng Khua git gai Khul hlăk ai, brơi nao mă bruă ƀơi Gơnong bruă bôh thâo phrâo hăng hơdră mă yua măi mok. Pơhiăp amăng mông jơnum, ơi Rahlan Chung, Kơ-iăng Khua git gai Ping gah tơring čar Gia Lai rơkâo ƀing khua apăn bruă dưi ruah, brơi nao mă bruă pơ̆ anih phrâo khom ngă tui pran jua gơgrong, gơgrong hlâo ngă juăt bruă jao, ngă tui bôh thâo pioh ngă giong klă bruă jao./.
Viết bình luận